Avdive tano paluno vakhti baśh sa e dizutne ani them Republika Utarali Makedonija te hramovinenpes ano Popis 2021 berś savo ikergovela pali 20 nakhle bersha.
Kobor si importatno bash sa e khedina(zaednice) aso numa maj but amenge sar Roma kana savore đjanena so nanaj realitetno o numero čhivdo e Romengoro ano ćhirutno popis kherdo palal 20 bersha, numa akana palpale dal kerlapes i jekhajek bangi buti jali pośukar vakerdo greśka korkoro amendar odova ka achol te đjana kana ka iklon oficijalno e rezultatija tar popisuime Roma.
Numa na cidelapes vi o fakti kana pobuter birađjakere organizacie javno vakerge baśh o nekobor kerde manipulacije ano dizja save kernapes uptral e Roma mangindor te hramovinen olen sar Albancoja, Khoraja thaj sa aver te śhaj odoleja te na vakergol o ćaćhuno numero e Romengoro.
Asavke manipulacie kerde upral e Roma tar odova so dikhlem sar timi tar Roma Press kherde ano dizja avrijal tar Skopje, numa dopherelapes o pućhipe savo numero e Romengoro ka iklol ano Skopjeskere Romane mahale kana avdive si o paluno vakti hramovibnaske, problemija manipulacijencar na sine numa dal palpale amare neodgovornosteja jali romane vakerdo MRZ ka anel palpale te ova chivde ano avutno popis tikore numeroja tar hramovime Roma. Ka dika sar ka ovel o agor.
Odoleske sa e Roma save nane hramovime avdive đji ko 20:00 ari shaj djana korkokro đji ani Komuna Śuto Orizari thaj e korkoro instruktorija ka den pestar sa i tumen te oven hramovime ano Popis 2021 bers.
Oven GORDA so sijen Roma, numa thaj bajraren tumaro broj soske akava jek fori ovela ano 10 berśha.
Hazri kerga:Roma Press.
