Erati ano hošimi relaksirime resipe, nišankergapes o dive tar 2 berš buti ko Roma Press.
Sasti programa ikergapes ano duj arija thaj ulavgapes ano panđ blokoja tar live emisie-misafirensar online save lele than thaj vakerge pe impresija tar pozitivna vi negativna riga tar amari buti, numa sar tej o vakeripe sas savorengoro so valani te ačova ki medijaki scena sostar salde agaar e Roma resarena ano informacie save but čirla sine olenge but dur drabaribnaske(čhitibaske) ja palem dikhibnaske.
Maškar ko live-emisije save prepele telo vas tar trin moderatorija Erđan M, Neđmedin A, thaj Đengis H, Baro dumo ano tehnikako ikkheripe denga amen o cuki rekords.
Misafirija prekal live-online programa lele than politikane prestavnikoja, pakavutne islamsko legarutne, enđio sektorija, kultura thaj muzikake pretstavnikoja.
Baš kotor tar buti kerutne e nakle 2019 beršeske kasaja sine amen paše buti keripe (sorabotka) ulavgapes olenge thaj šukrinkeripe(blagodarnice).
I live emisija šaj tar avdive dikhenala thaj ko kanali tar Roma Pres ano Youtub.
Panda jekvar Oven saste baš tumari pakiv, odoleja so dengen amen baro motivi thaj mangin panda po but te khera buti thaj te ova servis tumaro, sa mangipnaja sakoja informacija te resarel đji tumende ano vakti, objektivno thaj napristrasno.
Timi-Roma Press
