Jekvar ano berśh e Muslimanija save pakhana ano Islam thaj ano poro Devlikano lil Kuran prekal o Pejkamberi Muhamed a.s. zadolžime sijem o maseko Ramadani 30 dive te oven postime ikheribnaja tar o 5 islamska šhartoja jali stolbija ano islam save vakerna o valanipe ili dolžnost e Muslimaneske te postini o ćhon Ramadan.
Numa đjanidor bash aktuleno sastipnasko virusi Kovid 19 savo astarga buvle ani sasti lumja, e Muslimanija ka oven ograničhime te keren pere thindalipnaske(molibnaskere) ritualija sa sebepi te na buvlol o virusi ano Devlikane thana.
Timi tar Roma Press baśh akava sebepi numa thaj baśh o havlaribe e dizutnenge sar trubul te oven hazri đjakeribnaske o ćhon Ramadan, avdive organizirinela live debatnno emisija e sajdime Hodjaja tar Amdi paśhiskiri Djamija tar i Komuna Suto Orizari m-r Ali Berat thavdipnaja tar 21:00 ari ano Roma Press.
E Dikutnen ka ovel tumen šhajipe te diken i emisija ano trin platforme e Timeske Roma Pres thaj odova: Profili fb, Page fb thaj o youtub kanali tar Roma Press.
Akharaja tumen te oven amencar sa sebepeja te shaj ovena hazri baśh 30 dive tar o Ramadan, aso amen sar timi ovaja tumenge sasto čhon ano hizmeti sa sebepeja te ova po pašhe ano sa tumare thindala(molibe) e Allahe.
Mangaja tumenge lokhe Ramazaneskere divesa
Hazri kerga: Roma Press
