Avdive tano 10 dive tar Matemi tar i islamsko istorijaki slučka savi resarela ano maseko Muharema- Ašura, thaj i bari islamsko tragedija KERBELAJA.
Avdive baś o Sufie tano tragićno thaj dukavdo dive kana resarelapes ko mariba ko than Koyfa, thaj ano akava than perela śehiti o Imam Huseini unuko Pejkambereskoro Muhamed a.s.
Numa tar avdive islamsko pakavutne dji 30 dive kerena Aśura( kheravdo giv) thaj ulavena maškar ko jerije thaj paśe manuśa sa sebepeja te setinenpes ano akava ćhon thaj ulavena sar sadaka aśura.
Numa maškar akaja islamsko tragedija isi turli hemime nasihatija tar pobuter vakeribna pere dokazija baš akava ćhon tar Sufie, Śie thaj Ehlisuna. Numa akala deś dive sine tumen śajipe te śunen nasihatija tar so trin riga (strane) thaj korkoro tumen te haloven tar sakoja rig save sine vakerde pumare dokazija, argumentija baś akaja kali slućka savi berśencar palpalal kerlapes lafi baš akala islamska historijake momentoja, thaj vakti kana kerlapes sine lafi baś koj ka ovel o nasledniko ja pośukar vakerdo vodićija palo meribe e Muhamed a.s. Akala Slućke tane panle e historijake vakeribnaja save mukhel kali damka panle e ćhoneja Muharema thaj Aśura.
Hazri kerga: Roma Press
