I Organizacija ,,Ehlulbejt” pali akharipe đji olende jek familija jetimengi tar 5 manuša save đjivdinena ani Podgorica kerga napija te kinelpes olenge kher đjivdipnaske. Akala panđ čhave ačhile jetimija anglal 2 berš kana olengo dat nakla i dunjaja thaj ola ačhile pere dajaja. Ola đhivdinena sas ano jek but tikno agaar vakerdo improvizirimo kher, numa o jevend sine phare thaj von bešle ano pe dadeske familija thaj pal adava ačhile akana pe droma.
Numa akaja organizacija ,,Ehlulbet” dumoja tar pere đjene bešle ano kontakto jekh manušea Besim Zorijani savo sile fb-profilo Ahmet Zorijani, saveste sas havlaribe so vov biknela poro kher. Numa kana šunga so amen kamaja sar organizacija ,,Ehlulbejt”te kina kher jetimenge ov hularga but teleder o fijati(cena) sa mangindor te šhaj akala jetimora te na ačhoven ano droma.
Ano agor i organizacija,,Ehlulbejt” barabar pere đjenensar save dena dumo akale organizacija kinge akava kher tar Besim Zorijani ani Podgorica thaj tano donirime akale jetimenge save ka đjivdinen pere dajaja tar čhon Marti 2020 berš.
Maškar ko jetimija o maj tikoro čhavo olendar tano po phare nasvalipnaja thaj ikerelapes pere ilačija upral sastipnaskii mašina. Aso okola jetimora araklagovena ano šukar sastipnasko ikheripe thaj thane but bahtale aso poro đjivdipe ka nakhaven ole an pumaro kher.
Roma Press- N.Abdula
