Tradicionalno telo o vas e komunako Šuto Orizari svakova berš kerlapes turniri ano tikhno fudbali. Akava berš 2019 berš telal organiziribe thar komuna Šuto Orizari, bajrovisalilo o numero thar lejbe than timija save đjivdinena avrik e dizjatar Skopje vi ola lena than, thaj doleja šhaj te vakerelpes đji agoribaske thar akava turniri e dikutne save lena than ko dikhibe o dufbal ka ovel olen interesna momentija ko dikhibe fudbali ano tikhno tereni.
I ždrebka nakhla angleder jek dive thaj ikersalili ani komuna Šuto Orizari, thaj e diveskere phnale lafeja thar erati tavdinga o khelibe thar o jekhta timija.
O putriba e turniresko tavdinga maškar agar vakerde e maj šukar timija thar tikhno fudbali lejbaja than thar Turbo Osvojuvači – Veterani, anglal odova bašh e jekhta misafirija save resarge ko putriba e turnireske sine olen šajipa te šunen o kuvibe thar davulija thaj zurle. Erati tavdinga o khelibe maškar o timi:
-Roma Šutka-Flamengo
-Ada Ciganlja-Kumanovo
-Palermo-Fileo
-TRO-Zara
-Tetovo –Gorče.
Aso o avdisutno dujto dive dive trubul te khelen e timija:
-Ramstor – Osvojuvači
-Roma Šutka -Flamengo
-Ada Ciganlija – Kumanovo
-TRO – Zara
Sa e timija save lena than ko akava tikhno fudbali telal tradicionalnikano nilajesko fudbalesko khelibe 2019 berš ani komuna Šuto Orizari, ko agor e majšukar timija thaj fudbalerija đjakerena olen pursakoja (Nagrade) dende thar komuna Šuto Orizari thar o Šerutno Kurto D. infrmirinela amen sporteskoro direktori Almir D.
Hazri kerga: Neđmedin A-Roma Press
