Avdive aktuelno problemi ani Komuna Šuto Orizari odoleja so tavdinga te kerelpes rekonstrkcie e šerutne dromeske Indira Gandi, thaj baš odova sebepi e Busija numeroja 19 thaj 20 na uklena đji upre ko centari thaj i paluni trafika (stanica).
Dizutne tar Komuna Šuto Orizari vazdinge akharina đji ko Roma Pres mangindor te kerelpes artiklo odoleja te vakerelpes baš olengo pharipe so tribul te phiren tar upruno kotor(centar)Šuto Orizari te hulen 4 stanice đji o panlipe te šhaj uklena ano busija 19 ja palem 20.
Numa i Komuna Šuto Orizari pali telefonsko lavkeribe e Šerutneja Kurto Duduš, ano jekh dive arakla solucija e dizjaja Skopje te kerelpes nevi vozibaski ruta.
Tar tajsa e busija ka uklen thaj ka hulen tar drom Hađi Jovan Šiškov (drom e amdi pašinakiri đamija) thaj ka rotirinel tar drom nov zivot thaj agaareni sa đji ki paluni stanica.
Baš akaja nevi ruta itno avdive informirime tane hem e dizutne tar bukarne e komunake baš i nevi ruta te šhaj pumare vordona te na muken pe droma, te ovelen halovipe thaj te na keren kalabalukija ano akala droma te šhaj e busija te nakhen lokhe.
Hazri kerga: Roma Press
