Foto- lendo taro euromapress
Kana ka dikhe dural o foto kobor politićka subjektija isi maśkar ko Roma thaj sa olen te ulavelen e hangonencar taro dizutne,taro jekvar ovelatut aver fokus tari jekh aver prespektiva. Postavineja tuke o pućhipe soske? e naRomane bare partija dikhenalen so politicko omalovažibe thaj sar naserioznikane politicka akterija.
Soske naserioznikane?
-Maj anglal nadjanaja kana tano o vakti te sikava amare danda.
-Kana trubuj taro pasivna te ova aktivna ki smisla te na delpes shajipe e naromane bare partije te kjeren olenge/amenge baro ponizuvanje,bezvrednost sar Romani zaednica ko Makedonsko opśtestvo.
– Te kjeren peseske/amenge političko vrednost-sajdime sar sa o avera.
– Te vredninelpes(ceninelpes)o Romano hango bi te dikenpes e Roma sar bezvredno lil(hartija)savi koristinelapes jekvar,thaj panda but avera primerija taro amaro sekojdnevie.
O Akanutno politicko scenario dikhelale sakova Rom sar iranipe e Romen palal 100 admija (ćekorija), odoleja so palem na delapes amenge has sistemsko politićko deluvanje thaj ednakvost maśkar sa o avera.
Akava ignoriribe bash o romane politićka subjektija trubuj te ovel olenge jek baro signali sigo diso te smeninen ano peste,ja palem tele ki baza maskar o Roma. Dikindor ki praksa ko palune 8 berśa čhinavdo tano o politicko vozduh ko roma, i te mangen naśti te kjeren diso korkoro peseske ki smisla taro politićko plani, sostar nane zastapime ni ko centralno, ni palem ko zakonodavno vlast.
O Romano hango trubuj te ovel cenimo KO demokratsko opstestvo prekal o drumo ALOSARIBE.
O Ignorantsko odnos taro partnerija e Romane politicko partijengo sar SDSM/VMRO sikavela o nasajdipe prekal olengere havlarde liste bash pratenikoja, zarem akava nane ponizuvanje tumenge sar 9-romane politicka subjektija te nasti te denpes barem duj dobitno thana sar pratenikoja,odoboromli angen ko ponizuvanje hem bezvredno o Romano glaso ki Makedonija.
Palpalem ka ćaljoven te denge tumen o trośkija jali disavi direktorsko pozicija thaj slićno, śhaj li taro asavke pozicie te kerenpes disave politicka promene ko romane ďjivdipe, jali odoja ka ovel lićno tumari satisfakcija hem ćhalariphe tumaro ego.
E Roma ďjanena so sakana koristinenapes ko izborija sar lil jekhe puteske ama,hem o Romano elektorati ďjanena bash sako alosaribe olengoro hango tano ki dobitno kombinacija,odoleja anela maj hari taro 3 dji ko 4 pratenikoja ko 6 alosaribaskere edinice,pa odotar valani te ďjanelpes o vrednost taro Romano hango(glaso).
Na valani te bistrelpes?
E Palune popiseja(E Romenge hovavno broj)beshela bash 53.900 dizutne Roma, lendar paśe taro 46.000 dji ko 50.000 isilen pravo(hako)alosaribnaske, tadani but politićka partije valani te ćhiven po naj pere śereste so ka keren e Romencar ko avutne Prezidentska thaj Parlamentaresle alosariba.
Hazri kerga:Roma Press
