Опозициската Беса останува на ставот. Ако не се исполнат нивните барања тогаш нема ниту глас „ЗА“ за уставните измени. Двете барања кои ги поставува опонентот на СДСМ се да нема македонско државјанство кај албанците и да нема заштита само за македонската дијаспора, туку заштита на дијаспората на Македонија.
Opozicijaki partija BESA ačhovela ko piro rodipem ten a pherena olengoro rodipe tadani ola na dena ni jek hango baši OJA iranibe e Ustavesko.
Baši pumaro rodipe ola kerena ko diklo lafi thaj vakerena so ačhovena ko piro rodipe, aso o Kasami tari BESA vakerela nanu mukli rota baši OJA te na mangle te ikeren amare rodipna amen so rodaja olendar.
Duj rodipna save sas rodipe tari BESA taro SDSM, jekto: Te na ovel Makedonikano raštralipe (državjanstvo) ko albanikano đihani, thaj dujto: Te na ovel arakibe salde e makedonconge dijasporaki, numa arakiba e saste dijasporake tari Makedonija.
Akanasaske na đjanelapes kobor o premieri ka ovela šajdipe te pherel akala lengere rodipna, aso tari aver rig te kerel riZik te našavel o hangija taro okola bičalde save denale pakiv, aso legarenapes sar naikerimale (nezavisna) bičalde.
Avdive ko 13:00 o ari tavdela I bešin ko Makedonijako Khedipe , savi sas činavdi palo o keribe lafi e Premieresko Zoran Zaev.
VMRO DPMNE vi avdive nane te ovel kotor tari akaja bešin, sar so vakerena e bičalde tari partija e presidenteski Hristijan Mickovski.
