Sar so sine havlardo poćirla o thavdipe tar bikinipe tar edinstveno egzistencijako than baśh jek baro numero tar Romane familie save kerna sine buti ano akava pazari ko Śuto Orizari pobuter naśti. O kino bikinipe thavdinga maśkar o Ferat Asan thaj maśkar o penđardo Romano biznismeni Ferki Demirovski.
Sar so penđaraja e rajo Ferki Demirovski đji akana tar o vas oleskkro nakhle pobuter uspeśna biznisija thaj bare proektoja, isile nekobor firme za kaske panda but hari đjanela o javnost, jek tar firme save kerna buti tane thanarime e themaja Kina bisnis tar elektronika, Hotel thaj restoran MI-CASA,sigo puterga prekal partnersko buthi kheribna tar nevi VFV-Clinika ko Cairi thaj sar maj paluno proekti saveja amen penđardilam o aktuelno khiniphe e pazaresko Śuto Orizari thaj kheriba ano akava than baro moll savo naoficijalno penđargovaja ka vikinelpes,,Amaro Mall”.
Ki aver rig isi naćhalipe tar manuśa dizutne e
Komunake save vakerena sar ola akana ka ikalen piri egzistencija đjikote kerelapes o objekti tar o moll? numa tar aver rig ano akava agaar propuśtimo than penđardo sar sakone jekeske koj alo ano lokalno vlast kergapes upral olende zor thaj finansisko reket sigo vakteske ka ovel adava bisterdo thaj ano akava than ka bijangol jek moderno molli.
Odoleja so sakone Romeski mangin tani pobuter i gletka amare Komunaki Šuto Orizari te na dikhovel ko primer tar tenekie, deponie, bilaće droma thaj aver numa kamplapes te oven laćhe thaj moderna objektija numa angleder sa trubuj te na bistrelpes te gndinelpes bašh dizutne e Śutkake olengere bilače ekonomsko egzisteciona sostojbake.
Dikh video..
Tar aver rig isi panda naoficijalno penđaripe so sa garavelapes palo akava baro objekti thaj sar arakhlapes odoborom sigo solucija(rešenie) te kerelpes jek asavko baro ćekori za kaske đji akana na pakhalapes sine SOSTAR? Berśa napalal sakana sine na haloviphe baš akava pazari thaj lingarelapes sine sar javno tajna baśh akava than so tar but ćirla uzurpiringapes lendo tar raśtrakoro zemjiśte aso o dujto kotor sine kindo tar privatno manuś.
Numa ano sa akava o agor ka vakerel so palpale e dizutne e Komunake ka resaren ano jek lačho modernikano objekti pe kaste pakhalapes so đji avdive ano pere proektija o rajo Demirovski nikana na kerga improvizacija numa sakana kherela laćhe thaj moderna objektija.
Hazri kerga:Roma Press
