Manuš savo hohavne prezentirinelape sas kaj kerel protektiva ko niamia taro Egipkjania, vakerena tari Asociacia e Egipkjanengiri.
Olengiri vaktavin havljarelapes integralnikane.
” Amen o Asociacie thaj organizacie so keren Pašakeripe e Egipkjanenge ki Makedonia informirinaja savoren kaj i persona Demir Dalip so avrial sikavel pe thaj hohavne prezentirinel pe sar membro ki disavi NGO so kerel protektiva ko niamia e Egipkjanenge, nane amaro reprezento thaj ni jekh na dengja le dekreto te kerel lafi ko anav taro Egipkjania.
O rajo Demir Dalip hohavne prezentirinel pe sine sar membro taro NGO ko nekobor droma anvkerellape sas diferentno anavencar, a odoja NGO faktični nane la oficialno registracia . Akale hohavne prezentacijaja akava manuš beršencar phagel o Kanoni thaj kerel krisoskere aktia hohavne prezentacijaja ko mediumia.
Akava lil bičhavaja dži ko mediumia thaj aver ofisoa themake resarinaja te džanen thaj te inforimrinen buvleste savoren kaj i persona Demir Dalip nikastar thaj nikana na sine leske dendo dekreto ja disavi solucija te ovel represento ja sar lideri amare etnikane jekhinake – Egipkjania” tergjol ki vavtavin-havlaribe.
